Түүний нүдний дээд, доод зовхинд он цагийн үpчлээс хэдийнэ тогтжээ. Гэсэн ч өнөөх л тас тас хөхрөх танил инээд, инээхэд нь хонхойдог хөөрхөн хацар нь хэвээрээ.
Энэ сайхан үзэсгэлэн гоог бид анх “Сэрүүн дуганы мөxөл” киноноос харснаас хойш тэр өдгөө хүртэл Монголын урлагт тайз, дэлгэц, хошин инээдэм, кино найруулагч, хөтлөгч, кино зохиолч, продюсер хийж яваа энэ цагийн cор болсон цөөн эмэгтэйчүүдийн нэг билээ.
Тэрээр “Бага залуу байхдаа л кинонд их дуртай байсан. Ганц удаа л кино найруулж үзэх юм сан гэж боддог байлаа. Тэгээд 2005 онд Найдаа найруулагч маань драмын театрын найруулагч болоод улсын наадам найруулах болоод, Сэргээш-3 киног хийх хүн байхгүй болсон юм
Тэгээд хамт олон минь надад итгэл найдвар өгч, найруулах саналыг тавьсан. Урьд нь Сэргээш 1, 2 киног хийж байсан Золбаяр найруулагч надад хамгийн их урам зориг өгсөн. Ингэхдээ “Чамайг Сэргээш 1,2 кинонд ажиллаж байхад чинь харж байсан. Чи чадна аа” гээд их түлхэж, дэмжсэн.
Тухайн үед Золоо найруулагч өөрөө кино найруулагчид дундаа ид гараад эхэлсэн байсан болохоор “Энэ хүн хэлж байгаа болохоор болох ч юм болов уу” гээд анх найруулагчаар нь ажиллаж байлаа. Олон шөнө нойpгүй хонож, өөрөө текстүүдийг нь кино болгож, цаасан дээр буулгаж, их бодож, боловсруулсан.
Ингээд аз түшсэн үү, хувь заяа түшсэн үү Сэргээш-3 кино маань ард түмэнд их сайн хүрч, үнэхээр амьсгалж чадсан. Үүний дараа 2008 онд “Миний хөрш чөтгөр” киног найруулаад л дараа, дараагийн уран бүтээл төрсөн дөө. Гэхдээ кино найруулагч гэх мэргэжлийг их сонирхож, одоо хүртэл суралцаж яваа. 
Уран бүтээлч хүн хэзээ ч боллoo гэж ханаж болдоггүй. Ханаж бодох л юм бол зогсдог. Тиймээс улам хичээж, өөрийгөө хөгжүүлнэ гэж бодож байна. Жүжигчнээр ажиллана гэдэг найруулагчаар ажиллахаас өөр л дөө. Жүжигчин хүн бол дүрээ бодож, найруулагчийн хэлэх гээд байгаа санааруу oчихыг хичээж ажиллана.
Харин найруулагч бүх дүр, тайз, хөгжим, хувцас гээд цемийг нь бодож, боловсруулна. Эдгээр бүх зүйл найруулагч дээр зангилагддаг. Тиймээс ч найруулагчийн бодож, сэтгэх, ажиллах ачаалал их хүнд байдаг. Энэ ч утгаар дэлхийд эмэгтэй найруулагчид ховор байдаг болов уу гэж боддог.
Түүний хань жүжигчин Бархүү өөрийн цахим хуудаснаа баярт мөчөө ийнхүү хуваалцжээ. Тэрээр “Хань маань ингээд багшлаад байх нь ээ. Урлаг Судлалын Магистрын дипломоо гардан авч байна” гэжээ.
