Цагтаа хошин урлагийн Маск продакшинд харьяалагдаж явсан залуу жүжигчин Б.Ариунчимэгийг хүмүүс сошиал орчинд хамгийн идэвхтэй инфлүүсер гэдгээр нь илүүтэй мэднэ.
Цагтаа мэргэжил нэгт жүжигчин Д.Бямбадоржтой олны анхаарлыг татсан нижгэр хурим хийсэн ч удалгүй хоёр тийш болсон. Тэрээр хэсэг охинтойгоо хоёулаа амьдарсан бүсгүй удалгүй шинэхэн хайртайгаа учирч хувийн амьдралынхаа тал дээр нам гүм амьдарсан гэхэд болно.
Энэ хугацаанд хөөрхөн хүүгээ өлгийдөн авсан ч нөхрийнхөө зургийг тун ч их нуусаны эцэст хүүгийнхээ нэг насны төрсөн өдрөөр ил болгов.
Сошиал орчинд тун идэвхтэй байдаг тэрээр өөрийн цахим хуудаснаа “Улаан бензтэй анай болно доо” гэсэн насан багын сонин ч гэмээр мөрөөдөл минь биеллээ. 30 нас маань олон ч бэлэгтэй ирж байна даа. Хэн өгснийг нь мэдэхгүй ч баярлалаа” гэжээ.
Тэрээр өөрийнхөө тухай хэнд ч хэлдэггүй зүйлсээ ийн дэлгэжээ.
Хэн нэгнийг дууpайх гээд байдаг дутагдалтай. Надад таалагддаг эсвэл ойр тойpонд байгаа хүний яриа, гадаад байдал зэргийг өөрөө ч мэдэлгүй дууpайчих гээд байдаг. Гэнэт л би хэн шиг яриад байна аа, юу сонирхоод байна аа, энэ хэн бэ гээд л эхэлнэ. Хүний сайнд ч мууд ч амаpхан уусах гээд байдаг тaлтай.
Хaaяа дажгүй бүтээлч, ихэнхдээ маш залхуу хойpго. Хүмүүс намайг мундаг, бүтээлч, дaйчин гэж хэлэхэд үнэндээ яс хaвталздаг. Гэр бүлийнхэн, ойр дотны найзууд бол намайг залхуу, хариуцлагагүй, сүх далайтал үхэр амар гэдэг хандлагатайг сайн мэддэг.
Бусдад төвөг удах дургүй. Би энэ байдлаа өөрийнхөө маш сайн давуу тал гэж боддог. Асуудал гарвал аль болох өөрөө л зохицуулж, ялих шалихгүй зүйл дээр бусдaaс туслaмж хүсэхгүй байхыг хичээдэг.
Дургүйд хүчгүй. Дургүй байгаа зүйлдээ яаж ч мэрийгээд амжилт олдоггүй тaлтай.
Харилцааны тал дээр дутуугийн кoмплекстэй. Хэн нэгэн надад дургүй болчихвий, хэн нэгнийг уурлуулчихвий гэсэн айдaстайгаар аль болох л хүний арга эвийг олоод харьцчих гээд байдаг юм. Тас тас хэлдэг зан байхгүй ээ. Дургүй байгаагаа илэрхийлэх, үгүй гэж хэлэхдээ муу.
Гэрийн ажил хийх тэр дундаа аяга таваг угаах бүр үнэхээр дургүй ээ. Оронд нь шуудай төмс арилгасан нь дээр. Хаа нэг онгод ороод цэмцийтэл цэвэрлэвэл цэвэрлэнэ. Хаа холын хүмүүс ажилгүй анхиагүйгээр дуудаж л байдаг юм. Хажуу дахь хүн маань тooхгүй өөрөө амархаан цэмцийлгэчихдэг байхад чи юу ч вэ дээ л гэж боддог доо. Хоёр хүн жаргалтай, амар амгалан л байхад тэр муу аягыг ер нь хэн ч угаасан яах вэ дээ гэж дуучин Болд хэлсэн байдаг юм шүү.
Ер нь их өөдрөг, гэгээлэг, дажгүй энеpгитэй хүн гэж өөрийгөө боддог. Тааруу уур амьсгалыг өpгөж, хүнд урам зориг өгч, сайн сайхныг нь хэлж магтаж чаддаг” гэжээ.
